Relaxing Ferie uf Gili + Bali (2 Wuche bis 18.1.14)

Nach 11'000km uf Achse und eme 6m2 Wohnruum sind mal Relax-Ferie aagseit gsii.
Vo Perth het de Flüger Kurs nach Denpasar (Bali) ufgnoo. Swiss Airline chönt sich e Schiibe abschniide vo de Billig-Airline JetStar. De 4-stündig Flug isch bezüglich Bei-Freiheit und Komfort vill besser gsii.
Spannend isch die aschlüssendi Fahrt is 60km entfernte Hotel nach Candi Dasa gsii. Trotz wagemuetige Überholmanöver het euse Driver für die Distanz 1.5h brucht. Das wär doch mal en Abwechslig für Dis 7x7 Taxi, Peter? Leider gits umgrechnet grad emal CHF 3.-- für die Fahrt.
Bim Mofa fahre wird dPassagierzahl jewiils no bis zum Maximum optimiert.

Im Hotel gits feini Spezialitäte und e Glogge für en glückliche Tag ...

Am nächschte Morge isches  i 1.5h und 1000PS mit em Schnellboot nach Gili Trawangan gange.

Uf de 1x3km Insle sind eus im Minimum 15 Tauchschuele und 100 Hotel/Pensione zu Verfüegig gstande. Chli Touristisch. Defür gits kei Abgase. Fortbewegigsmittel sind Ross und Wage sowie (erneut) High-Tech-Velo's.. (7Gäng, 1 funktioniert ... und wenn Glück hesch funktioniert au dBrems)

So hemmers eus bim Tauche, Schnorchle, im Pool bi de Pension, bim lerne Choche(!) und I dene verschiedene Beizli am Strand guet gaa laa.
Koched hemmer 7 verschiedeni indonesischi Gricht - mjam, mjam ...

Nach 5 Täg isches am berüemte Halbschueh verbii zrugg nach Bali gange

De Transfer vom Boot nach Ubud het sich wieder echli id Längi zooge. Isch scho spannend wie sich dBalineser uf dene Strasse beweged.

The Ubud Resort & Spa mit dene Privat Villas chömmer Euch nach 1 Wuche Erfahrig sehr empfehle!

Bim Früehstück gnüsst me jewills die herrlichi Sicht uf dRiisfelder

Meh Riisfelder hemmer binnere Bus und Velotour dur Bali entdeckt.

Da isch no echti Hand und Körperarbet gfragt. Mir hend scho Schweissperle vom zueluege verlore ...

DMirjam macht sich bereit für die Nachfolgendi Single Trail Downhill Abfahrt

Glücklicherwiis hends eus nöd dUfgab gstellt de Baum zfälle ... mir währed wohl no imene Jahr draa

Mit Schwung uf das Brett wird de Riis useghollt. Das isch nöd öbbe e Demonstration für Tourischte, sondern so wie das hüt immer no gmacht wird ... halt vo Hand, miteme Lächle, eis Feld nach em andere ...



 Und es sind einigi Felder. Nach 3 Monet isch de Riis parat, denn muess sFeld greinigt werde und neui Riis-Same gsetzt. Bim Organic Riis (Schwarz) gahts 4 Monet. Defür isch de Priis vill höcher.

Au Kafi wird hergstellt - bekannt isch de vo de Luwac "Busle" wo sehr vill Geld defür zahlt wird. Es isch aber au nöd so eifach die Kafi Bohne im Kot zfinde und zverwerte.
Im folgende Bild zeigt Euch en wiishütige Balineser wie mer die Bohne zermaled.

Zumene Bali Bsuech ghöred natürlich au dTempel

und dAffe vom Monkey Forest



Schöni balinesischi Kläng

und privati Candle Light Dinner

Rottnest Island

Perth isch echt e geniali Stadt. I de Silvester Nacht isch einiges a Live Unterhaltig bote worde. Ês git unzähligi Clubs, Pubs in Northbridge oder Freemantle.
Am Morge vom 2. Januar hemmer nachere Fahrt mit em Schnellboot uf Rottnest Island eusi High-Tech Velo's, Schnorchelusrüschtig und de Zimmerschlüssel entgegegnoo.
30 Stund hemmer Ziit ghaa dInsle und die tierische Inselbewohner uszkundschafte.
Nachdem de Reto sis Velo usgwechselt het, da die recht Pedale bereits nach 1km broche isch, het dBeach Tour chöne gstartet werde.
Lueged selber ...

Happy new Year 2014!

Unterwegs nach Perth

Wiiter isches via Monkey Mia, Kalbari National Park, Geraldton, Pinacles nach Perth gange.

Erneut het das es paar Stund hinderem Stüür bedüted.

und de Gnuss vo dene Wiitene ...

bevors zumene spezielle Bay gange isch

 

Det hets allerhand zBesichtige geh ...

 

mit nur 1Bar Luft I de Pneu und 4x4 isch euse Camper wunderbar dur de Schnee - ups - tüüfi Sand cho ...

 

Ufere Offshore Tour hemmer versuecht es paar schwimmendi Tier ufzspüre - sResultat isch aber es defekts Rueder a dem Riesekatamaran (18Meter) gsii ...

 

DSunne het sich bi dere Sunset Tour vo de beschte Siite zeigt und isch so under gange wie mir das eus erhofft hend. Wie me SBoot wieder in Hafe gstüüred het isch en anderi Gschicht ...  ;-)

 

DMirjam het sich 1x meh zum Flüge überrede laa - es söll ja au nöd so lang werde

 

Es isch wiiter gange mit schöne Sunneuntergäng in Kalbari,

 

gelbem Sand im Kalbari Nationalpark

 

und schöne Felse

Felse mit Fenster ... (nei es isch nöd heiss gsii ... ;-) )

und schöne Usblick

De Wage söll en Kopie vomene bekannte Film sii

DAustralier baued oft mal es ganzes Zelt am Strand uf um ihri Familie vor de Sunne zschütze - gar kei schlechti Idee

 

Südlich vo Kalbari gits tolli Look outs

 

Es git au farbigi See - au wenn das chum zum glaube isch

 

Au schöni Chile gits ab und mal in Australie

 

Gedenkstätte in Geraltdon weg de HMAS Sydney wo vo de Dütsche nachere Tüschig mit 560 Persone versenkt worde isch. (Au de liechti Zerstörer vo de Italiener isch under gange - det hend sich aber einig chöne rette)

Es neus Board gfällig? I de Shops gseht dass da chli anders uus als bi Eus I de Schwiiz ...

 

Pinacles ...

Wo isch dMirjam?

 

Was isch mit dem Schatte los?

 

Da hemmer euse Christbaum verewigt. Mal luege öb dAndrea und de Michel de Baum findet. Sie werdet ines paar Tag im gliiche Park sii ...

 

Wiise und gelbe Sand

Bim Fötele hemmer mal uf de Bode gluegt - sind genial die Echse

 

Denn isches doch no ufs Board gange - Sand dune boarde oder besser Schlittle

 

Super Performance vo de Mirjam!

 

Au de Reto isch Zähne knirschend mit gnueg Sand I allne Körper Ritze acho