Dienstag, 24. Dezember 2013

Christmas special (24./25. Dezember)

Am 24. Dezember hemmer mit einere churze Usnahm en schöne Tag und Abig erlebt.
Die Usnahm bezieht sich uf eusi Bekanntschaft - de Michel. Sin Camp-Stuel wo'n er vo der Vermietig übercho het, isch leider ganz und gar nöd "first class" bzw. "swiss quality" gsii ...


Anderi hend gmeint dass de Finger bi somene Unfall au mal schnell verlore gah chönti ... Glück im Unglück also ...

 
Er isch en Zäche de Michel und dNotallschwöschtere sind sehr bald zur Stell gsii um 1-Hilf zleischte.
 
 
Die nächschti Ufgab isch also en Chauf vo neue Liegestüehl und eme Sunneschirm gsii. D'Mirjam het eus es schöns Plätzli mit dere neue Erungeschaft iigrichtet.


Nacheme easy Namittag isches a dVorbereitige für de Abig gange. De Nikolaus het müesse en Teil vo sinnere Gsichts-Haarbracht hergeh - das isch s'Davor:

 
Gmeinsam hemmer eus as Christmas Dinner gmacht ... Fajitas, Chicken, Pastasalat hets geh - mal richtig untypisch australisch.



Vor em Dinner no es churzes Erinnerigsfoti ... nei, nei es isch fantastisch gsii! ;-)

 
Am 25. Dezember - Australier fiired a dem Tag Wiehnacht und de Startet am 07h mit Geschenk uspacke und luutstarker Wiehnachtsmusig - het eusi Nachbere im Bungalow en bsundere Gascht bsuecht.

 
Nei de isch nöd us Stoff gsii und wie mer gseht isches au nöd grad s'chlinste Exemplar gsii.

Da Distanze in Australie dermasse riesig sind, isch de Nikolaus nöd wie bi eus mit Esel und Schmutzli unterwegs, sondern mit Füürwehrauto, Nikolausine und luutem Getröne.

 
Da nomal en Übersicht wie das in Coral Bay amene Wiehnachtstag so usgseht.
 
 
"Gwohnt" hemmer dermal ganz nöch am Beach. Rechts de Campingplatz.
 
 
Und da nomal zwei Pics wo zeiged wie schön das es uf de anderi Siite vo de Erde a Wiehnachte sii chan.




 

Sonntag, 22. Dezember 2013

Scho 9000km gfahre

In Exmouth am Beach hemmer eus 5 Täg reserviert.
Schnorchle am Oyster Stacks, Turquoise Bay und Lakeside, tauche am Navy Pier, Düne Carve, Geburtstag fiire und Bier drinke mit em Brent und Tara us Perth, Dog spiile mit Sven und Mirjam (am Sven sini Mirjam), Würfle und Jasse, Dusche underem Duschsack - das Wasser wird ganz schön warm bi 40 Grad.

Ufem Weg simmer a de Mine verbii cho ...

 

... und hend erneut die tolli Landschaft und sWetter gnosse ..




 
In Exmouth isch den endlich Wiehnachtlichi Stimmig ufcho ...
 
 
... nachdem s'erschte Känguruh eus uf em Campingplatz bsuecht het.
 
 
Denn isches a de fascht 400m (!) höche Submarine Antenne verbii zum zweite Australie Tauche as Navy Pier gange. So Antenne Parks gits nur 4 uf de Welt.
 
 
Folgendi Unterwasserbilder sind vonere Fotografin gschosse worde - nei, isch leider kei Meerjungfrau gsii
 






 
 
Nachem Uftauche vom letschte Tauchgang isch grad Ziit gsii de schöni Sunneuntergang zgnüsse
 
 
A de nächschte Täg isches in Kape Range Nationalpark gange. In Park ine het eus es Emu begleitet.
 
 
Den sind die tolle Stränd mit fantastische Korallereef cho ...
 



 
Wenn kein Sunneschirm vorhande isch (mir hend nur en Regeschirm debii gha) muess mer de Erfindergeist iischalte

 

Em Abig hend eus Känguruh bsuecht ...
 
 
 
.. und d'Mirjam sowie de Sven um e rundi "Dog" uszträge ... wer Gwünner vo dere Partie gsii sind, bliibt es Gheimnis. ;-) (uf jede Fall sind's die bessere gsii)
 
Zäme hemmer en wiitere tolle Sunneuntergang ...
 
 
 
 

 
... und de Mond gnosse.
 

Nachdem d'Sunne erwacht isch


sind d'Mirjam und de Sven wiitergreist



und mir sind nomal zrugg zum Reef um erneut Turtle und Reefhai zbestuune.


d'Känguru hend sich in Schatte gleit - wär ja chli zvill verlangt bi 40 Grad no umezhüpfe


Wie versproche d'Bilder vo dere fantastische Düne


 
De nächschti Sunneuntergang hemmer vom Lüchtturm gnosse


 
Im Lüchtturm Camping hemmer nebe wiitere Schwiizer Bekanntschafte (Andrea und Michel) au e riise Schlange uf Bsuech ghaa


... na ja, so riisig isch sii den doch nöd gsii wie mer gseht, aber s'Interesse isch gross gsii.
Und umso chliner desto giftiger hend mir eus usgmahled ...
Mit Schufle und Bese isch sie usem Campground gjagt worde.